Батырдың барлық жеке альбомдарының коллекциялық басылымы
Батырхан Шүкенов альбомдарының сыйлық жиынтық басылымына екі концерт, тоғыз музыкалық диск және бұрын жарық көрмеген әндер енді.
«Отан Ана», «Аманат», «Твои шаги», «Осторожно, милая девушка!», «Нас исцеляет любовь», «Все пройдет», «Душа» – бұл басылымға көпшілік сүйіп тыңдайтын шығармалары енген альбомдардың бір парасы. Музыкалық дискілерден басқа, жинақта Батырдың 2006 және 2013 жылдардағы Алматыдағы концерттерінің жазбалары бар екі DVD бар. Соңғысы әншінің Нью-Йорк, Лондон, Рига және Мәскеудегі әріптестері мен достарының қатысуымен жазылған.
Батырдың шығармашылығындағы барлық нәрсе сияқты, сыйлық басылымы да әдемі рәміздерсіз болған жоқ. Сонымен, оған «Best» альбомы қосылды, оны жазу идеясын әнші көп жылдар бойы көңілінде сақтп келген. Альбом жеке шығармашылықтың маңызды кезеңдерін көрсетеді: әнші оларды композицияларды таңдау арқылы білдірді, мұнда тіпті таңдалған композициялардың санының өзі кездейсоқтық емес, 17 – қосылған кезде шексіздік деген ұғымды береді.
Сонымен қатар, жинаққа тыңдаушылар үшін соңғы және жаңа болып табылатын «Күз» альбомы кірді, оны әнші өмірінің соңғы жылында Мәскеудегі өзінің студиясында жазған, бірақ аяқтай алмай кеткен. Әндер орыс композиторы Павел Есенинмен бірге жазылған. Альбомның мұқабасын Батырдың ұлы Мақсұттың қатысуымен дизайнер Арыс Аренов дайындады.