«Аутизм. Баршамызға бір әлем» бағдарламасы Болат Өтемұратов Қорының бастамасымен 2015 жылдан бері жүзеге асырылып келеді. Бағдарлама Қазақстанда аутизм спектрі бұзылыстары (АСБ) бар балаларға тиімді қолдау жүйесін дамытуға бағытталған. Оның басты мақсаты — ерте диагностика жүргізу, сапалы мінез-құлықтық қолдау көрсету және аутизмі бар балаларды тәрбиелеп отырған отбасыларға көмектесу.
-АСБ бар балаларға көрсетілетін көмектің қолжетімділігі мен сапасын арттыру
-Тұрақты қолдау инфрақұрылымын құру
-Қоғамның аутизм туралы хабардарлығын арттыру
-Ата-аналар мен мамандарға кәсіби қолдау көрсету
Бағдарлама аясында Қазақстанның 12 өңірінде 13 орталық ашылды. Бұл орталықтар халықаралық стандарттарға сай жұмыс істейді және ғылыми дәлелденген әдістерге, оның ішінде қолданбалы мінез-құлық талдауына (ABA) негізделген тегін бағдарламалар ұсынады. Барлық мамандар міндетті түрде оқудан өтіп, сертификат алады.
2015 жылдан бері бұл орталықтардан 17 000-нан астам бала көмек алды.
Бағдарламалар балалардың қарым-қатынас жасау, өз-өзіне қызмет көрсету, әлеуметтену дағдыларын дамытуға, сондай-ақ мінез-құлықтағы қиындықтарды азайтуға бағытталған. Қатысушылардың 70%-дан астамы оң нәтижелер көрсетуде.
Орталықтар ата-аналарға жан-жақты қолдау ұсынады, оның ішінде:
-Мінез-құлықтық терапия негіздері бойынша оқыту
-Баланы тәрбиелеу мен дамытуға қатысты кеңестер
-Жеке және топтық сессияларға қатысу
Қор аутизм туралы қоғамды тұрақты түрде ақпараттандыру жұмыстарын жүргізіп келеді. Жыл сайын ақпараттық кампаниялар, тақырыптық іс-шаралар ұйымдастырылып, БАҚ және серіктестермен бірлесе жұмыс атқарылады. Әсіресе, 2 сәуір — Бүкіләлемдік аутизм туралы ақпарат тарату күніне ерекше мән беріледі.
Модифицированный чеклист M-CHAT-R/F (Robins, Fein, Barton, 2009) – это двухэтапный наблюдательный инструмент для родителей, созданный с целью оценки риска расстройств аутистического спектра (РАС) для детей в возрасте от 16 до 30 месяцев.