Қызылордадағы «Қорқыт Ата» әуежайының жаңа терминалы
Болат Өтемұратов қоры «Верный капитал» компаниялар тобымен бірлесіп, жалпы ауданы 7,5 мың шаршы метр жаңа жолаушылар терминалын салып, қаланың коммуналдық меншігіне берді. Терминал заманауи жабдықтармен, соның ішінде телескопиялық траппен, багажды автоматты түрде беру және өңдеу жүйесімен, сондай-ақ транзиттік жолаушылар мен VIP мәртебесі бар клиенттерге арналған залдармен жабдықталған. Құрылыс кезінде халықаралық брендтердің жабдықтары, технологиялары мен материалдары пайдаланылды.
Сонымен қатар, терминалда өзін-өзі тіркеу бағандары, Duty Free аймағы, құлшылық ету бөлмелері, ана мен бала бөлмелері, сондай-ақ шекара және кеден қызметтері, фитосанитария және ветеринария қызметкерлері, санитарлық-эпидемиологиялық бақылау және полицияның желілік бөлімінің қызметкерлері үшін арнайы орындар қарастырылған.
Терминал жобасын әлемнің әртүрлі елдеріндегі, соның ішінде Нидерланды, Ресей, Түркия және Парсы шығанағы елдеріндегі әуежайларда жиырма жылдық тәжірибесі бар BMW Мimarlik түрік жобалық компаниясы әзірледі. Жаңартылған әуежай халықаралық әуе көлігі қауымдастығының (IATA) және Халықаралық Азаматтық авиация ұйымының (ICAO) заманауи стандарттарына сәйкес келеді.
- $35 млн АҚШ доллар жобаның жалпы бюджеті
- 7,5 мың 7,5 мың ш.м. терминалдың жалпы алаңы
